Neymar Afanyiwa Upasuaji wa goti la kushoto, Nchini Brazil

Mshambuliaji wa Al Hilal, Neymar alifanyiwa upasuaji wa goti lake la kushoto siku ya Alhamisi ili kurekebisha kano za mbele katika goti lake la kushoto ambalo alipata jeraha alipokuwa akicheza mechi ya Brazil iliyopoteza mechi ya kufuzu kwa Kombe la Dunia dhidi ya Uruguay mwezi Oktoba.

Dk. Rodrigo Lasmar, daktari mpasuaji wa timu ya taifa ya Brazil na vilevile Atlético-MG, alifanya upasuaji huo huko Belo Horizonte.

Hakuna makadirio ya kupona yaliyotolewa Alhamisi, lakini vyanzo viliiambia ESPN mwezi uliopita kwamba wafanyikazi wa matibabu wa CBF wanakadiria kuwa anaweza kurejea kwa wakati kwa Copa América, ambayo itashindaniwa Merika msimu ujao wa joto.

Neymar alichapisha kwenye Instagram story yake picha ya mkono wake pamoja na picha yake akiwa na watoto wake wawili pamoja na ujumbe uliosema “Kila kitu kitakuwa sawa.”