NI YANGA NA RIVERS UNITED ROBO FAINALI KOMBE LA SHIRIKISHO

MABINGWA wa Tanzania, Yanga SC watamenyana na Rivers United ya Nigeria katika Robo Fainali ya Kombe la Shirikisho Afrika, wakianzia ugenini na kumalizia nyumbani.

Hayo ni marudio ni mechi ya Hatua ya 32 Bora msimu uliopita, ambao Yanga ilitolewa na Rivers United kwa jumla ya mabao 2-0 ikifungwa 1-0 nyumbani na ugenini.
Mechi nyingine za Robo Fainali ni; Pyramids ya Misri dhidi ya Marumo Gallants ya Afrika Kusini, US Monastirienne ya Tunisia dhidi ya ASEC Mimosa ya Ivory Coast na USM Algier ya Algeria dhidi ya

 FAR Rabat ya Morocco.
Mechi za kwanza za Robo Fainali zitachezwa Aprili 23 na za marudiano zitafuatia Aprili 30 na Yanga ikivuka hapo itakutana na mshindi kati ya Pyramids na Marumo Gallants.

RATIBA KAMILI ROBO FAINALI KOMBE LA SHIRIKISHO 

Pyramids         v     Marumo Gallants
US Monastir    v     ASEC Mimosa 
USM Algier      v     FAR Rabat 
Rivers United   v     Yanga SC