Jesse Lingard Kuondoka Nottingham Forest

Mchezaji Kiungo wa zamani wa Manchester United Jesse Lingard kuondoka Nottingham Forest

Nyota wa zamani na kiungo wa zamani wa Manchester United na Uingereza Jesse Lingard ataondoka Nottingham Forest mwishoni mwa kandarasi yake.

Lingard alijiunga na Forest msimu uliopita baada ya kupandishwa daraja hadi Ligi ya Premia, lakini alishindwa kufanya lolote kwenye Uwanja wa City Ground.

Mchezaji huyo mwenye umri wa miaka 30 alikataa kwenda West Ham, ambako alivutwa kwa mkopo kutoka United mwaka 2021, kusaini mkataba wa mwaka mmoja bila malipo na Forest.

Lingard alicheza mara 20 pekee katika mashindano yote akiwa na Forest na alitajwa miongoni mwa wachezaji 12 walioachiliwa na bosi Steve Cooper siku ya Ijumaa.

Alicheza mara nne pekee mwaka wa 2023 na sasa atatafuta klabu ya tatu ndani ya miaka mitatu.

Lingard, ambaye alipigiwa upatu kuwa nyota baada ya kuhitimu kutoka akademi ya vijana ya United, amekuwa akihusishwa na klabu kadhaa za nje ya nchi katika wiki za hivi karibuni.