MASTER JAY -SINA KASHFA YA NGONO.

Mtayarishaji wa muziki na mmiliki wa studio ya Mj Records, Joachim alimaarufu kama Master Jay, amefunguka na kusema kuwa hayuko katika ndoa ila hana skendo ya ngono zembe kama

Master J akichat Live na mashabiki wa Ukurasa wa Facebook wa EATV.



ilivyo kwa baadhi ya watu,Mj amesema hayo leo alipokuwa akijibu maswali yaliyokuwa yakiulizwa kwake na mashabiki wa ukurasa wa Facebook wa EATV katika kipengele cha Kikaangoni Live kinachokukutanisha na mtu maarufu kila siku ya Jumatano.

"Ha ha ha ha, siko ndani ya ndoa kwa sasa lakini sina kashfa za ngono zembe vile vile.
Master J pia ameweka wazi mahusiano yake na mwanamuziki ambae kwa sasa anatamba na wimbo wake wa sugua gaga anaefahamika kama Shaa,mashabiki walikuwa na shauku kubwa kutaka kujua msimamo wa Master J kuhusu mahusiano yake na mwanamuziki huyo na majibu yake yalionesha wazi kuwa yupo katika mahaba mazito na mkali wa Sugua gaga.
Moja ya shabiki wa ukurasa wetu alimuuliza kama kweli anampenda mwanadada huyo au amefanya kama kituo cha basi kupumzika kwa muda na baadae kuendelea na safari yake ya mapenzi na majibu ya Master J yalikuwa kuwa kweli anampenda Shaa.
SKENDO ZA WASANII
Inafahamika wazi siku zote mkubwa anapaswa kuwasihi wadogo zake pindi anapoona mienendo yao haipo sawa,mashabiki walihoji kama anatoa ushauri kwa wanamuziki ambao kwa sasa wanatamba kwa skendo za kipuuzi na zisizo na maana,huku wakisahau hata kazi zilizowafanya kutambulika katika sanaa,na majibu ya Master J alidai kuwa kila wanapopita studio na anapowakuta huwa anawapa darasa hilo.
"Ni kweli hawa vijana ninawashauri kila siku wakipita studio"
TUZO ZA KILI
Master J amesema kuwa kwa miaka yote hizo tuzo zimefanyika lakini walikuwa hawamtendei haki msanii wa Hip Hop Fid Q ambae mwaka huu amefanikiwa kushinda tuzo mbili ikiwemo tuzo ya Mwanamuziki bora wa Hip Hop na mtunzi bora wa Hip Hop kwa mwaka 2014.
"Kiukweli nimefurahi sana kwa mwaka huu Fid Q kushinda tuzo hizo lakini ukweli ni kwamba miaka ya nyuma amekuwa wakimnyima tu hiyo tuzo hivyo walikuwa hawamtendei haki,maana hapo ni sawa na kulipwa elfu mbili katika deni la Milioni moja,ila inatosha mimi kupata furaha maana deni limepungua lakini ukweli ni kwamba Fid Q bado anawadai sana."
Akiongezea katika masuala ya tuzo amedai kuwa msaniii Diamond Platnum alistaili kushinda tuzo hizo maana ndio wakati wake na ndio nyota yake imewaka,ingawa amedai kuwa kuna tuzo zingine ameshinda sababu tu ya nyota yake kung'aa kwa sasa la sivyo asingestaili kushinda baadhi ya tuzo hizo ingawa kuna tuzo alikuwa akistaili kushinda hata kama nyota yake isingekuwa imeng'a kama ilivyo ng'aa sasa.
KUSTAAFU MUZIKI
Master J amedai kuwa yeye alishastaafu kufanya muziki kama producer toka mwaka 2015 na ndio maana aliamua kumuajiri producer Marc ochali kushika nafasi yake kama mtayarishaji wa Mj Records na yeye kubaki kama msimamizi wa studio hiyo,ametoa sababu kubwa kufanya maamuzi hayo ni kutokana na ukweli kwamba muziki ulibadilika hivyo hakuona sababu ya kuendelea kung'ang'ania kufanya kazi hiyo maana kama angelazimisha angetafuta kuaharibu jina lake na heshima yake aliyojijengea muda mrefu katika muziki wa Tanzania.
Mbali na hilo Master J amesema kuwa mbali na marco chali producer mwingine anaemkubali hapa Tanzania ni P Funk Majani.