Hii ni Full Time ya FC Barcelona Vs Eibar October 25 Pichaz

Real Madrid na FC Barcelona ni wapinzani wa jadi mara nyingi huwa wanafuatana katika msimamo wa Ligi kama Madrid akiwa na nafasi ya kwanza basi FC Barcelona atakuwa nafasi ya pili. October 24 Real Madrid alicheza na Celta Vigo na kufanikiwa kuibuka na ushindi wa jumla ya goli 3-1 akiwa ugenini.

Generated by IJG JPEG Library

October 25 FC Barcelona walishuka dimbani kucheza na Eibar katika uwanja wao wa nyumbani Nou Camp wakiwa na wachezaji wao nyota kama Neymar na Luis Suarez huku wakiendelea kumkosa mchezaji wao nyota Lionel Messi ambaye bado anauguza jeraha lake la mguu alilolipata wiki kadhaa nyuma katika mechi ya Ligi Kuu Hispania.

FC Barcelona bila ya nyota wao Lionel Messi wamefanikiwa kupata ushindi wa jumla ya goli 3-1. Eibar ndio walikuwa wa kwanza kupata goli dakika ya 10 kupitia kwa Borja Baston, magoli ya FC Barcelona yote matatu yalifungwa na Luis Suarez dakika ya 21, 48 na 85.