Pep Guardiola kamuomba msamaha Cristiano Ronaldo, kisa? +Video ya magoli ya (Yanga vs Mwadui fc)

Siku moja baada ya mshambuliaji wa kimataifa wa Ureno anayeichezea klabu ya Real Madrid ya Hispania Cristiano Ronaldo kuweka wazi kuwa angependa Real Madrid icheze na Benfica hatua ya nusu fainali ya Ligi ya Mabingwa Ulaya, kauli hiyo aliitoa kabla ya mchezo wa marudiano wa Benfica na FC Bayern Munich kuchezwa.

Usiku wa April 13 2016 FC Bayern Munich ilicheza dhidi Benfica ya Ureno na kufanikiwa kuiondoa katika hatua ya robo fainali ya Ligi ya Mabingwa Ulaya kwa jumla ya goli 3-1, hivyo ndoto ya Ronaldo ya kutamani Real Madrid icheze na Benfica imeishia hapo.

Baada ya FC Bayern Munich kufuzu hatua ya nusu fainali, kocha wa FC Bayern Pep Guardiola amemuomba Cristiano Ronaldo msamaha kwa ndoto yake ya kutamani kucheza na Benfica kuzimwa, Guardiola aliongea katika lugha ya utani baada ya kuitoa Benfica.

“Samahani kwa kuivunja ndoto ya Ronaldo najua alipenda kucheza dhidi ya Benfica hatua inayofuata lakini haikuwezekana” >>> Guardiola

VIDEO YA MAGOLI YA MECHI YA YANGA VS MWADUI FC, FULL TIME 2-1 FROM AYO TV

 By Rama Mwelondo TZA