Baada ya Sturridge kurejea kutoka majeruhi, hiki ndicho alichowafanya Southampton Kombe la Capital One

Wakati nchini Hispania usiku wa December 2 inapigwa michezo nane ya kombe la Copa del Rey, Uingereza umepigwa mchezo mmoja pekee wa Kombe la Capital One baada ya usiku wa December 1 kuchezwa mechi kadhaa za Kombe hilo, Southampton inayochezewa na Mkenya Victor Wanyama ilicheza dhidi ya klabu ya Livepool.



Southampton ikiwa nyumbani ilikubali kipigo cha jumla ya goli 6-1 kutoka kwa vijana wa kocha wa kijerumani Jurgen Klopp, mchezaji wa kimataifa wa Uingereza Daniel Sturridge ndio alianza kufungua milango kwa Liverpool baada ya kufunga goli mbili za mwanzo dakika ya 25 na 29, Daniel Sturridge anafunga ikiwa ni siku chache zimepita toka apone majeruhi.



Magoli mengine ya Liverpool yalifungwa na Divock Origi aliyefunga hat-trick dakika ya 45, 68 , 86 baada ya Jordon Ibe kufunga goli la tano dakika ya 73, wakati furaha ya Southampton ilidumu kwa dakika kadhaa baada ya Sadio Mane kufunga goli pekee dakika ya 1 ya mchezo.

Video ya magoli ya Southampton Vs Liverpool

bofya hapa kuona video